الدرس الاول (تشريح)!!!!!

الدرس الأول
The first section


Anatomical position
الأوضاع التشريحية



الاوضاع التشريحية دى اهم حاجة لازم تعرفها قبل ما تبدأ فى دراسة اى جزء فى الاناتومى
وحتفضل معاك وتستخدمها فى الدراسة طول ما تذاكر او بتشرح الاناتومى
وهى سهلة جدا ولكن لازم تستوعبها كويس علشان تفهم بعد كده
موضع اى جزء بيتم شرحه فى الاناتومى..

نبدأ إن شاء الله



****************************** *********************



أول حاجة طيب ايه هو اصلا الوضع التشريحى الصحيح
او الطبيعى
الوضع التشريحى وده وده متفق عليه عالميا
يعنى فى اى كتاب فى اى دولة لما يقولك فى الموضع التشريحى
او The anatomical position
يقصد ان الشخص واقف ووجهه مقابل لقدام
وذراعه الاتنين جنبه وكف ايده مواجه لقدام
يعنى نقدر نعرفه ونقول



The anatomical position:
, the body is assumed to be standing, the feet together, the arms to the side, and the head and eyes and palms of the hands facing forwards



يعنى بيبقى زى كده ما فى الصورة ديه



نبدأ بقه المصطلحات التشريحية او مصطلحات الاوضاع التشريحية


Terms of Positions




اول مصطلح اسمه Midline The او خط المنتصف
وده الخط الى بيمر فى منتصف الجسم بالظبط من فوق لتحت يعنى من اعلى الجسم الى اسفل الجسم
وبالتالى يجزأ الجسم الى جزأين نصف شمال ونصف يمين
يعنى لو حبينا نقول مصطلح ليه يبقى

Midline: is the line that divides the body to 2 parts, the right part & the left part




بعد المصطلحات الاخرى فى التشريح
Other Anatomical terms…






1- Anterior…or (ventral)

وده يعنى امامى او بطنى يعنى الاقرب للجزء الامامى من الجسم
يعنى نقدر نقول


Closer to the anterior surface (the front) of the body


2- Posterior…or(dorsal)

يعنى خلفى او ظهرى يعنى الاقرب لظهر الجسم

Closer to the posterior(the back) of the body


3- Superior.= upper

يعنى فوق او الاعلى يعنى اقرب لرأس الجسم

Nearer to the head of the body


4- Inferior = lower

يعنى تحت او االاسفل واقرب للرجل

Nearer to the feet

5- Medial …

يعنى الاقرب لخط المنتصف

Nearer to the midline

ويقصد بيها مش انها الاقرب مطلقا ولكن الاقرب بالنسبة لنقطة تانية
يعنى انا لو عندى مثلا نقطتين على الجسم




زى النقطتين A& B
اللى على الصورة دول
عادى A اقدر اقول عليها medial to the mid line
ونفس الكلام ينطبق على النقطة B
ولكن بقى لو جيت قارنت بين A & B نفسهم الوضع حيختلف
وساعتها حقول ان النقطة A هى ال Medial بالنسبة للنقطة B
لان A اقرب من B لخط المنتصف علشان كده هى ال Medial
بالنسبة للنقطة B



6- Lateral….

وده عكس المصطلح السابق..يعنى ده بقة البعيد عن خط المنتصف
يعنى نقدر نقول



Away from the midline

وينطبق عليه نفس الكلام اللى قلناه فى المصطلح السابق
بالنسبة للمقارنة بين نقطتين



هنا بقه اقدر اقول ان النقطة A هى ال Medial بالنسبة للنقطة B
وان النقطة B هى اللى Lateral للنقطة A وليس لخط المنتصف

ارجو تكون النقطة دى وضحت ..حتى يكون الفهم للامور أوضح وافضل...

وعلى فكرة نفس الكلام لو عندنا بقى عدد كبير من النقط A,B,C,D….. وكده حنقارن بينهم بنفس الاسلوب برضه
يعنى الموضوع بسيط ان شاء الله


طيب نشوف المصطلح اللى بعد كده



7- Superficial…



Nearer to the Skin


8- Deep..

وديه معانها الاعمق او عميقة او لو مقارنة بين نقطتين حتبقى ال Deeper
الاكثر عمقا يعنى او الابعد من السطح

Away from the skin

9- Proximal…

يعنى الاقرب لمنشئ الشئ معلش معناه مش واضح اوى
بس لما تمشى فىا لاناتومى شوية حتفهم يعنى ايه المنشئ وكده
يعنى نقدر نقول مؤقتتا


Closer to the origin of the structure


10- Distal..

وده عكس المصطلح السابق يعنى الابعد من منشئ الشئ

Further away from the origin of the structure

معلش ممكن المصطلحين الاخرنين دول مش واضحين اوى
بس ممكن نعرفهم كده اسم حاليا لحد ما نمشى شوية فىا لمنهج ونعرف العضلات ومنشأها وكده وساعتها حتفهموها على طول


11- Median…

واخدين بالكم ديه Median وليست medial
وده يعنى فى النصف بالظبط ومش شرط فى النصف بالظبط يبقى فى خط المنتصف عموما ولكن خط المنتصف بالنسبة للجزء اللى بنتكلم فيه
يعنى لو بتكلم فى الذراع مثلا وقلت median يبقى قصدى فى نصف الذراع بالظبط..


12- Intermediate…

ومعناها يعنى حاجة وسط بين حاجتين تانين يعنى لو عندنا مثلا 3 طبقات فوق بعض
اقدر اقول ان الطبقة اللى فى النصف intermediate
بالنسبة للطبقتين الاخرتين

يعنى


Between 2 other structures


13- External…

يعنى من بره او من الخارج يعنى outside

14- Internal...

يعنى من الداخل من جوه يعنى inside
حتى تلاقى عندنا تخخص الباطنة بيسموه
Internal medicine
على اساس ان معناها باطنى يعنى


طيب ايه كمان فى المصطلحات..........
اه



14- Supine…

يعنى كف اليد the palm of the hand مواجه للامام
زى كده فى الوضع التشريحى بالظبط
ده بيسموه Supine

15- Prone

ده بقه العكس لو كف اليد مواجه للخلف
يعنى عكس عن ما فى الوضع التشريحى
ده بيسموه Prone


16- Cephaled…

وده يعنى الاقرب لرأس الانسان

المقطع Cephal ده اصلا يعنى بيشير لل head
Toward the head




17- cuadad..

وده عكسه ومعناها الاقرب لنهاية الجسم
Toward the tail or the feet..


****************************** *********************